Türkiyə 1. Liqasının 2-ci turunda milli komandamızın üzvü Toral Bayramovun formasını geyindiyi "Bursaspor" öz meydanında "İğdır FK"nı qəbul edib.

Xəbər verilir ki, gərgin keçən qarşılaşma Bursa təmsilçisinin 1:0 hesablı minimal qələbəsi ilə yekunlaşıb.

Matçın taleyini həll edən yeganə qolu 16-cı dəqiqədə K. İheanaço vurub. "Bursaspor"un baş məşqçisi Mustafa Er oyunun ikinci hissəsində – 70-ci dəqiqədə Toral Bayramovu (Barış Gökün əvəzinə) meydana buraxıb.

Millimizin üzvü oyuna daxil olduqdan cəmi 2 dəqiqə sonra – 73-cü dəqiqədə VAR yoxlamasından sonra rəqib komandanın futbolçusu Alperen Səlvi birbaşa qırmızı vərəqə ilə meydandan kənarlaşdırılıb. Azlıqda qalan İğdır təmsilçisi matçın qalan dəqiqələrində hesabda tarazlığı bərpa edə bilməyib.

Kamil Xudiyev