Aktyor prezidentin verilişindən imtina etdi

ABŞ prezidenti Donald Trampa daha bir zərbə Kaliforniyanın sabiq qubernatoru və məşhur aktyor Arnold Şvarzneggerdən gəlib. İstiPress-in məlumatına görə, aktyor Trampın "Celebrity Apprentice" adlı televiziya verilişində aparıcılıq etməkdən imtina edib.

Şvarznegger Trampın əvəzinə adıçəkilən verilişi NBC kanalında aparıb. Aktyor yeni mövsümdə kanalda olmayacağını deyib. O, verilişdən Trampla əlaqəsi üçün ayrıldığını etiraf edib.

"Bu proqram yaxşı bir fürsət idi. Ancaq bu şərtlər altında təkrar verilişi aparmaq istəmirəm. Trampın müəllif olaraq hələ də proqramla əlaqəsi olduğunu və maaş aldığını öyrəndikdən sonra xalq boykot etməyə başladı".

D.Tramp 3 minə yaxın din və hüquqşünasın qatıldığı toplantıda NBC-də proqram apardığı zamanda reytinqlərin daha yüksək olduğunu, kanaldan ayrıldıqdan sonra isə reytinqlərin azaldığını deyib. "Reytinq üçün Arnolda dua edək".

Şvarznegger isə "Twitter"dən prezidentə belə cavab verib: "Hey Donald, yaxşı bir fikrim var. Bəlkə işimizi dəyişdirək. Sən TV-yə keç, çünki reytinq mövzusunda mütəxəssisən. Mən də sənin işini alım".

Rol aldığı "Terminator" seriyası filmlərdən sonra məşhurlaşan aktyor ötən il baş tutan seçkidən öncə Trampı dəstəkləmədiyini açıqlamışdı.


Donald Tramp