Rusiyada faşistlərlə əlbir olan Qaregin Njde haqqında filmin nümayişi ilə bağlı məsələnin Rusiya mətbuatında ciddi müzakirəsi davam etməkdədir.

Azia.az xəbər verir ki, yerli mediaya bu mövzuda danışan Rusiya Dövlət Dumasının deputatı Leonid Kalaşnikov kifayət qədər sərt mövqe sərgiləyərək Moskvanın Rusiyanın paytaxtı olduğunu, ermənilərin isə Moskvada sadəcə “qonaq” olduğunu xatırladıb.


“Əlbəttə, cavab verməliyik... Bəli, bu, erməni mərkəzidir, amma bağışlayın, Moskva Rusiyanın paytaxtıdır, Ermənistanın deyil”- o qeyd edib.

Kalaşnikov eyni zamanda Njde haqqında da müsbət fikirdə olmadığını və faşistlərlər işbirliyində olduğunu açıqca dilə gətirib: “Bəli, Njdenin obrazı birmənalı deyil. O, mübarizədə Hitlerlə əlaqə yaratdı. Bu cür rəqəmlərə haqq qazandırmaq və ya daha çox tərənnüm etmək millətçiliyin ən pis formalarında canlanmasına gətirib çıxarır. Bunu etməyə başlayan Paşinyan yox, onun sələfi Serj Sarkisyan olub. Moskvada onu fəal şəkildə sırımağa başlayan o idi. Təbii ki, deyə bilərik, bu, özlərinə qəhrəman seçiləcək ermənilərin daxili işidir. Amma bu halda sual yaranır. Əgər siz bu qədər qürurlu, müstəqil və suverensinizsə, onda Rusiyadan nə istəyirsiniz? Ermənilər və gürcülər müstəqilliyə can ataraq İttifaqın dağılmasına ilk töhfə verənlər oldu”.

Qeyd edək ki, yanvarın 28-də Rusiya Erməniləri İttifaqı Moskvada Njde haqqında filmin nümayişini təşkil etmək niyyətində olsa da, hüquq-mühafizə orqanlarının əməkdaşları onun nümayişini dayandırıblar.Ölkə.Az