İsrail Müdafiə Nazirliyi Alyaskada "Xes-3" raket əleyhinə sistemin müvəffəqiyyətli sınaqlarını keçirdi. Bu barədə həmin nazirliyə istinadən The Times of Israel xəbər yayıb.
"Xes-3" atmosferdən kənarda, əvvəl görmədiyimiz yüksəklik və sürətlərdə ballistik raketləri müvəffəqiyyətlə yaxaladı", - İsrailin baş naziri Binyamin Netanyahu bildirib.
"Xes-3" raket əleyhinə müdafiə kompleksi böyük yüksəkliklərdə və atmosferdən kənarda hədəflərin ələ keçirilməsi üçün nəzərdə tutulub. Qeyd edilir ki, sınaqlar ABŞ-ın Raket əleyhinə müdafiə agentliyi ilə birgə İsrailin Müdafiə Nazirliyi tərəfindən keçirilib.