azia.az
azia.az

Ukrayna Radasında Azərbaycan yüklərinin oğurlanması məsələsi qaldırılacaq

20-04-2017, 10:52

Ukrayna Radasında Azərbaycan yüklərinin oğurlanması məsələsi qaldırılacaq

Azərbaycan şirkətlərinə məxsus yüklərin Ukraynada oğurlanması ilə bağlı məsələ Ali Radada (parlament) qaldırılacaq.

azia.az xəbər verir ki, bu barədə APA-ya açıqlamasında Ukrayna-Azərbaycan Parlamentlərarası İşçi qrupunun rəhbəri Maksim Kuryaçie bildirib.

O qeyd edib ki, Ukrayna Azərbaycanlılarının Birləşmiş Diasporunun sədri Hikmət Cavadovun müraciəti əsasında o, ölkənin hüquq-mühafizə orqanlarının rəhbərlərinə rəsmi sorğu göndərib:

“Bu günlərdə sorğuma cavab veriləcək və bunun əsasında Radanın gələn həftə keçiriləcək plenar iclasında bu məsələni müzakirəyə çıxaracağam. Bizim üçün uzun illərdir dost olan ölkəyə məxsus şirkətlərə, iş adamlarına qarşı bu kimi əməllər, əlbəttə ki, bizi də ciddi narahat edir. Azərbaycanlılar Ukraynanın həyatında olduqca fəaldırlar və biz buna əngəllər yaradılmasına imkan verə bilmərik. Hesab edirəm ki, Ali Rada da bu məsələni nəzarətə götürərək, lazımi addımlar atacaq”.

Qeyd edək ki, son günlər Ukraynada içərisində Azərbaycanın “Azərsun Holding”, “Veysəloğlu”, “Dapna LTD”, “Epidomed” və digər şirkətlərinə məxsus yüklərin olduğu 20-dək ağır tonnajlı maşınlar naməlum şəxslər tərəfindən oğurlanıb. Yük maşınlarında olan yüklərin hər birinin maddi dəyəri 200-300 min ABŞ dolları həcmində qiymətləndirilir.


OXŞAR XƏBƏRLƏR
XƏBƏR LENTİ
BÜTÜN XƏBƏRLƏR

MARAQLI
TƏQVİM
MƏZƏNNƏ
 Valyuta məzənnəsi