“Aztelekom” İstehsalat Birliyində böyük ələmə və dəyişikliklərə start verilib.

Savash.org-un özəl mənbələrdən aldığı məlumata görə, yaxın zamanlarda adıçəkilən strukturda ciddi dəyişikliklərin şahidi olacağıq.
Daxil olan məlumata görə, «Aztelekom» İB-nin texniki məsələlər üzrə direktoru və keçmiş baş direktor Məhəmməd Məmmədovun həbsindən sonra onun da funksiyalarını həyata keçirən Zahir Vəliyev tutduğu vəzifədən azad ediləcək.

Savash.org xatırladır ki, Zahir Vəliyevin adı ölkə mətbuatında kifayət qədər ciddi ittihamlarla paralel çəkilib. Onun adı “MTN işi”ndə də hallanıb, amma indi onun “vurulmasında” bu amilin nə dərəcədə rol oynadığını iddia edə bilmərik. Hələlik bəlli olan odur ki, artıq Zahir Vəliyevin “Aztelekom” İB-dəki hökmranlığına son verilir.
Savash.org-a daxil olan informasiyada Zahir Vəliyevi əvəzləyəcək kadrın da adı çəkilib. Bu şəxs Sumqayıt Telekommunikasiya Qovşağının rəisi səlahiyyətlərini icra edən İqbal Yusifovdur.

Mövzuyla bağlı araşdırmalarımız davam edir.