“WhatsApp”dan istifadə etməyin, şəxsi yazışmalarınız “Facebook”da yayılacaq!”

Ötən gün bu tip xəbərlər bəzi şəxsləri hətta tələsik qərarlar verməyə vadar etdi. Telefonundan “WhatsApp” tətbiqini birdəfəlik silən də oldu, xəbərin doğruluğuna şübhə ilə yanaşan da...

Bəs əslində doğru olan nədi?

Bildiyimiz kimi, “WhatsApp” messencerinin məxfilik siyasətində dəyişiklik edilib. Buna görə də bir sıra ölkələr, hətta qardaş Türkiyə vətəndaşlarına adıçəkilən messencerdən istifadədən imtinanı tövsiyə edib.

İnternet texnologiyaları üzrə mütəxəssis Elvin Abbasov bildirir ki, “WhatsApp”la bağlı məsələni şişirtməyə ehtiyac yoxdur, yəni adi istifadəçinin yazışmaları heç kimə lazım deyil.