Yunanıstan və Kiprlə münasibətlərdəə inkişaf erməni diplomatiyasının gündəmindədir, amma İrəvan öz xarici siyasətini hansısa üçüncü tərəfə qarşı qurmur.

Axar.az xəbər verir ki, bunu Ermənistanın xarici işlər naziri Ara Ayvazyan parlamentin Xarici siyasət komissiyasında çıxışı zamanı deyib.

“Ermənistan-Yunanıstan-Kipr formatı Ermənistanın gündəmində qalır, amma İrəvan özünə regionda düşmən axtarmır. İrəvan sülhün dəyərini çox yaxşı bilir. Ermənistan gərək öz xarici siyasətini regionda təhlükəsizlik təhdidlərini nəzərə alaraq, praqmatik yanaşma əsasında qursun. Biz hər şeyi edəcəyik ki, Ermənistanın bütün sərhədləri boyunca stabil təhlükəsizlik mühiti formalaşsın”, – deyə o bildirib.