Bakının Xətai rayonu, 165 saylı körpələr evi-uşaq baxçasında uşaqların həyatı təhlükə altındadır.

Azia.az xəbər verir ki, bu barədə məlumat BAKU.WS-in "qaynar xətti"nə daxil olub.

Bildirilib ki, baxçanın həyəti kanalizasiya suları altında qalıb:

"Neçə vaxtdır ki, ərazidə boru partlayıb, kanalizasiya suları uşaq baxçasının həyətinə dolub. Valideynlər və baxça rəhbərliyi dəfələrlə müvafiq qurumlara şikayət etsə də baxan yoxdur. Antisanitar vəziyyət baş alıb gedir, azyaşlıların həyatı ciddi təhlükə altındadır".

Məsələ barədə İri Şəhərlərin Birləşmiş Su Təchizatı Xidmətinə sorğu ünvanlamışıq. Məlumat veriləcəyi təqdirdə xəbər yenilənəcək.

Sözügedən görüntüləri təqdim edirik: