İranlı general Əmir Əli Hacızadə ABŞ-ın İraqdakı bazasına hücumlar zamanı qurbanların olmamasının səbəbini açıqlayıb.

Azia.az bildirir ki, bu barədə “RİA Novosti” məlumat yayıb.

Onun sözlərinə görə, Tehran raket hücumlarını amerikalı əsgərləri öldürmək üçün etməyib.

Hacızadə bəyan edib ki, İran Vaşinqtonun hərbi maşınına zərər vurmaq istəyib: “Raket zərbələri bütün regionda ABŞ bazalarına hücumlar seriyasının başlanğıcı olub. O vurğulayıb ki, iranlı general Qasım Süleymaninin öldürülməsinin əsl qisası ABŞ-ın Yaxın Şərq regionundan qovulması olacaq”.

Xatırladaq ki, yanvarın 8-nə keçən gecə İran ABŞ-ın İraqdakı hərbi obyektlərinə raket hücumu həyata keçirib.

Əmir Əli Hacızadə İslam İnqilabı Keşikçiləri Korpusunun Hərbi Kosmik Qüvvələrinin və HHQ-nin komandanıdır.