Ukrayna ordusu rusların Kiyevə irəliləməsinin qarşısını almaq üçün qədim müdafiə üsulu olan "hidravlik müharibə"yə əl atıblar. Bu barədə "Washington Post" qəzeti məlumat yayıb. Bildirilir ki, Ukrayna ordusu rusların qarşısını almaq üçün geniş ərazini suya qərq edib. Peyk görüntülərinə əsasən bölgədə 22 fevral və 28 fevralda çəkilən görüntülər arasında böyük fərq var. Qeyd edək ki, "hidravlik müharibə" tarixdə bir neçə ölkə tərəfindən istifadə edilib. 2-ci dünya müharibəsində Finlandiya və SSR-i bu üsuldan istifadə edib.