Rusiya prezidenti Vladimir Putin Rəcəb Tayyib Ərdoğan və türkiyə xalqını ölkədəki vəziyyəti sabitləşdirdikləri üçün təbrik edib

AzVision.az-ın məlumatına görə, bu barədə İstanbulda keçirilən XXIII Dünya Enerji Konqresində çıxış edən Putin qeyd edib.

Çıxışının sonunda Rusiya prezidenti konqres iştirakçılarına uğurlar, səmərəli iş arzulayıb və təşkilatçılara öz təşəkkürünü bildirib.

“Biz anlayırıq ki, bu gün Türkiyədə böyük tədbirləri keçirmək heç də yaxşı vaxt deyil. Çünki bu yaxınlarda siz dövlət çevrilişi cəhdi ilə üzləşdiniz. Biz Türkiyədə baş verənləri diqqət və narahatlıqla izləyirdik. Mən Türkiyə xalqını, Ərdoğanı nəzarəti saxlamağa müvəffəq olduqları üçün təbrik edirəm. Biz çox şadıq ki, Türkiyə bərpa olunur və uğurlar arzulayırıq”.