Tanınmış jurnalist, teletənqidçi, filologiya elmləri doktoru, BDU-nun professoru, əməkdar jurnalist Qulu Məhərrəmli 22 İyul Milli Mətbuat Günü ilə bağlı paylaşım edib.

Bakupost.az xəbər verir ki, professor paylaşımında həbsdə olan jurnalistlərin say çoxluğuna diqqət çəkib:

"Son illərdə Milli Mətbuat Günü qeyd olunan vaxtlarda heç zaman bu qədər jurnalist həbsdə olmayıb. Amma bu il həbsxanalarda sıxlıqdır, müxtəlif motivlərlə (qaçaqmalçılıq və s.) xeyli jurnalist tutulub.

Ələsgər Məmmədli kimi dürüst və parlaq media hüquqçusu (toplum TV), Hafiz Babalı kimi istedadlı jurnalist-analitik, Sevinc Vaqifqızı kimi reportyor (hər ikisi abzas.az) neçə vaxtdır həbsdədirlər.

Onlardan başqa Müşfiq Cabbar, Əli Zeynalov (toplum tv), Əziz Orucov, Şamo Eminov (kanal 13), Ülvi Həsənli, Nərgiz Absalamova, Elnarə Qasımova (abzas media) da məhz jurnalist fəaliyyətlərinə görə həbs olunublar.