İşğaldan azad edilmiş Qarabağın minalarla ən çox çirklənən ərazilərindən biri olan Ağdamda yeni proses başlayıb.

Azərbaycan Televiziyası (AzTV) xəbər verir ki, Ağdamın Şelli kəndi əkin dövriyyəsinə cəlb olunub.

Ağdama ezam olunmuş AzTV-nin əməkdaşları əkin sahəsində olub, səpin işləri barədə məlumat əldə ediblər.

Bildirilib ki, minalardan təmizlənmiş ərazilərdə əkin işləri sürətlə aparılır. Kənd təsərrüfatında müasir aqrotexniki və aqrokimyəvi qulluq vasitələri tətbiq edilir. İşğaldan azad edilmiş ərazilərdə yüksək keyfiyyətli toxumlardan istifadə edilir.