Bəzi xəstəliklər vardır ki, onlar qanın laxtalanma qabiliyyətinin çox olmasından əmələ gəlir. İnfarkt, insult, tromboflebit, venaların varikoz genəlmələri, babasil və s. belə xəstəliklərin siyahısında ilk yerlərdə durur.

Bildirilir ki, adları çəkilən xəstəliklərin əmələ gəlməsində qanın laxtalanma qabiliyyətinin yüksək olması səbəb olur. Belə ki, laxtalanmaya meyilli qanda asanlıqla tromblar əmələ gəlir və bu tromblar qan damarlarında asanlıqla hərəkət edirlər.
Trombların ürəkdə, beyin damarlarında tıxanıb qalması isə həmin nahiyəyə oksigenin getməməsinə səbəb olur. Tutulmuş nahiyəyə qanın işləməməsi həmin nahiyədə oksigen aclığına səbəb olur və xəstəlik əmələ gəlir.

Yuxarıda yazılan patologiyaların baş verməməsi üçün isə qanın laxtalanmasını nəzarət altında saxlamaq və laxtalanma sürətini azaltmaq lazımdır. Qanın laxtalanmasının qarşısını almaq üçün çoxlu dərman preparatları vardır. Amma, siz qida rasionunuza nəzarət edərək qanınızın laxtalanmasının qarşısını ala bilərsiniz. Aşağıdakı qidalar sizin qan laxtalanmasızı azaldacaq, tromb əmələ gəlməsinin qarşısını alacaq və bu səbəbdən meydana çıxan xəstəliklərin qarşısını alacaq.

1. Gün ərzində ən azı 5-6 stəkan adi su için. Təbii su qan laxtalanmasının qarşısını alan vasitələrdən biridir.
2. Gündəlik rasionunuza zeytun və ya kətan yağı əlavə edin.

3. Alma sirkəsini suya qatıb için. Bu zaman 1 çay qaşığı sirkəni 1 stəkan ilıq suda həll edin.

4. Hər gün qidanıza soğan və ya sarımsaq əlavə edin.

5. Limonlu su və ya limon şirəsi sıxılmış salatlar qanda tromb əmələ glməsinin qarşısını alır.

6. Çuğundur şirəsi qanı duruldur.

7. Tünd şokolad qanı duruldur.

8. Balıq və balıq yağı qanın laxtalanmasının qarşısını alır.

9. Hər gün pomidor yemək və ya pomidor şirəsi içmək qanı duruldur.

10. Moruq, qara və ya qırmızı yemişan şirəsi, albalı, çiyələk, böyrütkən yemək qan laxtalanmasının qarşısını alır. Bunun üçün hər gün bu meyvələrin birindən ən azı 200 qram yemək lazımdır.

11. Hər günkü, qidalarda zəncəfildən istifadə etmək qan laxtalanmasının qarşısını alır.

Aşağıdakı qidalar qanın laxtalanmasına səbəb olur:

* ət bulyonu

* kolbasa

* hisə verilmiş qidalar

* ağ çörək

* qaymaq

* itburnu

* banan və manqo

* bəzi bitkilər pişikotu, gicirtkən, qarğıdalı saçağı, qırxbuğum, dazıotu və s. Bu bitkilərin dəmləmələrini uzun müddət içdikdən sonra fasilə vermək və sonra yenidən qəbul etmək lazımdır.

Çoxlu miqdarda duzlu qida qəbulu, siqaret, sidikqovucular və hormonal preparatlar da qanın laxtalanmasına səbəb ola bilir.