Afət Fərmanqızı biznes-ledi oldu: “Həyat yoldaşımın restoranını idarə edirəm...” - VİDEO
Tanınmış müğənni Afət Fərmanqızı bundan sonra biznes ledi fəaliyyəti ilə məşğul olacaq. Xəbər verilir ki, Rusiyaya köçən müğənni bu haqda ilk olaraq Moderator.az-a danışıb. "Bilirsiniz ki, artıq bir müddətdir Rusiyaya köçmüşəm. Bundan sonra Rusiyada yaşayan azərbaycanlıların toylarında olacam. Həyat yoldaşımın şadlıq sarayındakı toyları idarə edib, biznes ledi fəaliyyəti ilə məşğul olacam. Həyat yoldaşım şadlıq evinin administrasiya işlərini mənə həvalə edib, hətta mənə deyir ki, direktor da sənsən. Burada toylar qiymət baxımından da yaxşıdır, ölkəmizlə müqayisədə daha bahadır. Ansamblımın yarısı da burdadır, çünki o vaxt pandemiyada çıxıb bura gəlmişdilər. Elə həmin musiqiçiləri bir yerə yığmışam. Bir-iki gündən sonra paylaşımlara start verəcəyik, özəl məlumatı hər zamankı kimi sizin sayta verdim” deyə məşhur bildirib.

"İndi insanlar sizi Rusiyada yaşayan müğənni həmkarınız Rəqsanə İsmayılova ilə müqayisə edəcəklər. Bütün bu söz-söhbətlərə hazırsınız?” sualına isə müğənni belə cavab verib.

"Müqayisə etsinlər də. Rəqsanə xanım da öz zəhməti ilə gəlib bu yerlərə çatıb. Bunun nəyi pisdir ki? Olsun! Allah Rəqsanə xanımın da ruzisini başından töksün. İstəməyənin gözü kor olsun! O da özümüzünküdür də” deyə müğənni bildirib.