Ürək əməliyyatları icbari tibbi sığorta üzrə xidmətlər zərfinə daxil edilir.
"Azərbaycanda ürək əməliyyatları icbari tibbi sığorta üzrə xidmətlər zərfinə daxil edilir".

Xəbər verilir ki, bunu İcbari Tibbi Sığorta üzrə Dövlət Agentliyinin sədri Zaur Əliyev deyib.

"İcbari tibbi sığorta üzrə xidmətlər zərfində 2500-dən artıq xidmətlər var idi. Orada daha çox ölümə səbəb olan, ən çox yayılmış xəstəliklər nəzərə alınmışdı. Bir il işlədikdən sonra biz gördük ki, ürək əməliyyatları, ürək qapaqlarının dəyişdirilməsi nəzərdə tutulmamışdı. Onlar kifayət qədər böyük vəsait tələb edən əməliyyatlardır. Ona görə də biz onları da yeni xidmətlər zərfinə daxil etdik. Hazırda bu məsələ razılaşmadadır və bir neçə nazirlikdən keçdikdən sonra Nazirlər Kabineti onu təsdiqləyəcək", - sədr bildirib.