Mayın 19-da Atatürk Mərkəzində təsisçi Anna Şahbazqızı və redaktor Kifayət Qoradayevanın təşkilatçılığı ilə ictimai-siyasi, beynəlxalq "Yeni Aktual" və "Azərbaycan -Türkiyə" jurnalının 10 illik yubiley tədbiri keçirilib.
Tədbirdə tanınmış ziyalıları, eləcə də media nümayəndələri iştirak edib.
Öncə 19 may yanğın qurbanlarının xatirəsi 1 dəqiqəlik sükutla yad edildi. Daha sonra Təsisçi Ana Şahbazqızı gələn qonaqları təqdim edərək jurnaın fəaliyyət illərində əldə etdiyi uğurlardan bəhs etdi.
azia.az xəbər verir ki, jurnalın təsisçisi Anna Şahbazova on il ərzində jurnalın əhatə etdiyi mövzulardan söhbət açıb. Bildirib ki, bu müddətdə jurnalda yer alan materiallarla Azərbaycan və Türk respublikaları ətrafında yaradılmış informasiya əlaqələrini genişləndirməyə,respublikada gedən ictimai-siyasi proseslər haqqında dünya ictimaiyyətini obyektiv xəbərdar etməyə nail olub. Bununla yanaşı, jurnalda müntəzəm olaraq xarici ölkələr və şəhərlər, onların tarixi, mədəniyyəti haqqında da məqalələr dərc edilir.
Tədbirdə iştirak edən Kardelen iş adamı Mülazim Paşa, türkiyəli iş adamı, bələdiyyə başkanı Agah Aşkın, AMEA-nın böyük elmi işçisi, Tarix üzrə fəlsəfə doktoru Zəfər Kərimov, İradə Əlili, İntiqam Zeynalov jurnalın 10 yaşının tamam olması münasibətilə kollektivi təbrik edib.
Tədbir boyunca məktəblilərin ifasında müxtəlif şeir və musiqilər səsləndirilib.
Tədbirin sonunda qonaqlara "Azərbaycan -Türkiyə" jurnalı təqdim eilib. Bir sıra iş adamları Fəxri diplomla təltif edilib.
Vüsalə Qələndərli