"McDonalds”da yediyi qamburgerdən zəhərlənən tələbə Səid Paşayev restoranlar şəbəkəsini məhkəməyə verir.

azia.az xəbər verir ki, bu barədə BakiPost.az-a S.Paşayev özü məlumat verib. Onun sözlərinə görə, zəhərlənməsi ilə bağlı restorana məlumat versə də, onunla maraqlanan olmayıb. Bu səbəbdən zərərçəkən məhkəməyə üz tutub.

Məlumat üçün bildirək ki, Azərbaycan Dövlət Neft və Sənaye Universitetinin tələbəsi Səid Paşayev 16.03.2017-ci il tarixində "McDonalds”ın 28 mall ticarət mərkəzində yerləşən filialında 1 manat 50 qəpiyə qamburger alıb, yeyib. Daha sonra isə axşam saatlarına yaxın özünü pis hiss edib və Sumqayıt Şəhər Təcili Tibbi Yardım Xəstəxanasına aparılıb. Xəstəxanada ona qida mənşəli kəskin allergik reaksiya diaqnozu qoyulub.