Tramp: Ərdoğan məni məyus etdi
ABŞ prezidenti Donald Tramp deyib ki, Ankaranın həbs edilmiş amerikalı keşiş Endryu Bransonu azadlığa buraxmaması ilə türkiyəli həmkarı Rəcəb Tayyib Ərdoğan onu məyus edib.

Azia.az Oxu.Az-a istinadən xəbər verir ki, o, bu fikirləri “Bloomberg” agentliyinə müsahibəsində deyib.

“Çox məyus oldum. Görək, vəziyyət necə davam edəcək”, - o bildirib. Müsahibənin əvvəlində Tramp Türkiyə-ABŞ münasibətlərini şərh etmək istəməyib və deyib ki, bu, onun üçün ağrılı problemdir.

Ankara Bransonu dövlət çevrilişinə cəhddə və casusluqda ittiham edib. O, hazırda ev dustaqlığındadır. Vaşinqton keşişin deportasiyasını tələb etsə də, rədd cavabı alıb. Bundan sonra ABŞ Türkiyənin ədliyyə və daxili işlər nazirlərinə qarşı sanksiya tətbiq edib. Buna cavab olaraq Türkiyə ABŞ-dan idxal olan bütün mallara rüsumlar tətbiq edib.