“Ermənistan və Azərbaycan noyabrın 9-da Moskvada iki sənəd imzalayacaq”.



Konkret.az erməni KİV-ə istinadla xəbər verir ki, noyabrın 9-da Ermənistan və Azərbaycan Moskvada iki yeni sənəd imzalayacaq. Bu barədə etibarlı diplomatik mənbələrdən məlumat verilib.



Son anda fors-major vəziyyət yaranmasa, Vladimir Putinin vasitəçiliyi və iştirakı ilə demək olar ki, yekun olan iki sənəd Nikol Paşinyan və İlham Əliyev tərəfindən imzalanacaq.
Birinci sənəd Ermənistanla Azərbaycan arasında dövlət sərhədinin demarkasiyası və delimitasiyasına aiddir. SSRİ Müdafiə Nazirliyinin Baş Qərargahının 1920-ci illərin xəritələrinə əsasən İrəvan və Bakı bir-birinin sərhədlərini və ərazi bütövlüyünü tanıyacaq. Vladimir Putinin dünən bu kartları xatırlatması təsadüfi deyildi.



Baş nazirlərin müavinləri səviyyəsində bu yaxınlarda keçirilmiş Ermənistan-Rusiya-Azərbaycan görüşü nəticəsində demək olar ki, yekun razılığın əldə edildiyi ikinci sənəd regionda kommunikasiyaların, xüsusən də Azərbaycan və Naxçıvan arasında dəhlizin açılmasına aiddir.



9 noyabr təsadüfən seçilməyib. 2020-ci ilin bu günündə Ermənistanın baş naziri və Azərbaycan prezidenti Rusiya prezidentinin vasitəçiliyi ilə Qarabağda hərbi əməliyyatların dayandırılması ilə bağlı üçtərəfli bəyanat imzalayıblar.



Sabah Aliq media imzalanacaq iki sənəd, o cümlədən “yollar – dəhlizlər” haqqında daha ətraflı məlumat verəcək.