İngiltərədə yaşayan özünü “Tənha Co” (Lonely Joe) adlandıran 53 yaşlı kişi 180 uşaq atası olub. Co övladlarından bəziləri ilə ünsiyyət qura bilib.
Bildirilir ki, Co artıq 14 ildir hamilə qalmaqda çətinlik çəkən qadınlara yardım edir. O, bunu ya “müştərilərlə” intim münasibət quraraq, onlara öz toxumunu kuryer vasitəsilə göndərməklə, ya da biomaterialı şəxsən çatdırmaqla etdiyini iddia edir. Co bu yaxınlarda bəzi övladları ilə görüşməyindən danışıb.

Onun sözlərinə görə, 180-ə yaxın övladı var, ancaq onlardan yalnız 60-ı ilə tanış ola bilib. Bəziləri ilə müntəzəm əlaqə saxlayır, demək olar ki, hər həftə görüşür, bəziləri ilə isə çox uzaqda yaşadıqları üçün yalnız telefon və ya yazışmaqla əlaqə saxlayır.

“Övladlarımın qeyri-adi yolla doğulmalarına baxmayaraq, məni axtarmaqları mənim üçün çox vacibdir. Mən onlarla daim maraqlanıram” - deyə o bildirib.
 

Co Cənubi Amerikadakı bəzi övladlarının hətta ondan aliment dəstəyi aldığını da qeyd edib. Lakin aliment istəyənlər çox olduğu üçün hamısına dəstək verə bilmədiyini də vurğulayıb.

"Əlbəttə, bəzi insanların baxışları fərqli ola bilər, lakin 180 nəfərlik ailəm məni bəyənir. Bu, mənə kifayətdir"- deyə britaniyalı kişi əlavə edib.

Aynil