"Spirt, ət, banan və avokado böyrəklər üçün təhlükəli ola bilər".

Redaktor.az "izvestiya"ya istinadən xəbər verir ki, bunu həkim Mixail Eliseev deyib.

Həkim bildirib ki, duzlu qidalar ilk növbədə böyrəklər üçün təhlükəlidir:

"Çünki çox miqdarda duz qəbulu ilə böyrəklər bədəndən artıq natriumu çıxarmaq üçün daha çox işləməli olur. Bu, orqanizmdə mayenin saxlanmasına və nəticədə ödəmin yaranmasına səbəb ola bilər. Duzlu xiyarlarda, fastfudlarda və işlənmiş qidalarda çoxlu miqdarda duz olur. Böyrəklər üçün başqa bir zərərli məhsul spirtdir, çünki sidik sistemi bədəndən əlaqəli zəhərli maddələri çıxarır. Eyni zamanda böyrəklərə yük çox artır". 

Bundan əlavə, həkimin fikrincə, çox ət yemək böyrək problemlərinə səbəb ola bilər, çünki heyvan zülalları həzm etmək daha çətindir və bu, tullantıların xaric edilməsi prosesini çətinləşdirir.

Həkim meyvələrin zərərlərini də xatırladıb. O, çoxlu banan və avokado yeməyin tərkibindəki kalium səbəbiylə təhlükəli ola biləcəyini söylədi. Həddindən artıq kalium, natrium kimi maddələri bədəndən çıxarmaq çətindir. Nəticədə, bu, böyrək problemləri, əzələ spazmları və ürək problemlərinə səbəb ola bilər.

Humay İSGƏNDƏRLİ