Siqaretdən asılı olan bir çox insan onu tərgitmək istədiyi halda öz hisslərini etiraf etməyə utanır

İmmunitet.az xəbər verir ki, mütəxəssislər ev şəraitində bəzi vasitələrlə siqaretdən uzaqlaşmağın mümkün olduğunu söyləyirlər. Bu vasitələrin bir neçəsi:

1. İlk növbədə alkoqol və kofeni tərgidin. Çünki onlar sizin siqaretdən asılılığınızla birlikdə olan digər tərgidə bilmədiyiniz vərdişlərinizdəndir.

2. Siqaretdən tez bir zamanda azad olmağa çalışmayın. Bunu tədricən edin, yəni gün ərzində çəkdiyiniz siqaretlərin sayını azaltmağa çalışın.

3. Əvvəlcə siqaretin sayını azaldın, sonra isə aralarında olan məsafəni çoxaltmağa çalışın.

4. Əgər ürəyinizdən siqaret çəkmək keçərsə, 1 stəkan su için və ya 1 alma yeyin. Nanəli konfet sormaq və saqqız çeynəmək sizi bu düşüncədən uzaqlaşdıra bilər.

5. Əgər hiss etsəniz ki, siqareti azaltdığınıza görə diqqətiniz dağılır, bu zaman tum çırtlaya bilərsiniz.

6. Evinizdə göz önündə siqaret, kibrit və ya alışqan saxlamayın.

7. İdmanla məşğul olmağa başlayın. Bu sizin fikrinizi siqaretdən uzaqlaşdıra bilər.

8. Gün ərzində əvvəllər siqaretə verdiyiniz pulları bir yerə yığın və həmin pulla kinoya və ya teatra gedin.

9. Siqareti atmaq istədiyinizi yaxınlarınıza söyləyin.

10. Orqanizminizdə illərlə yığılıb qalmış toksinləri təmizləmək üçün bol maye qəbul edin.