Mütəşəkkil Cinayətkarlıqla Mübarizə Baş İdarəsinin Balakən rayonunda keçirdiyi əməliyyat nəticəsində rayon sakini Səddam Muradov və qohumu Kənan Göylərov çəkisi 1 tona yaxın mənşəyi məlum olmayan əti satmaq istəyən zaman saxlanılıblar.

DİN-dən Axar.az-a verilən məlumata görə, saxlanılan şəxslər ifadələrində müvafiq dövlət qurumlarının nəzarətindən kənar at ətinin tədarükü ilə məşğul olduqlarını, Balakən, eləcə də ətraf bölgələrdən əldə etdikləri xəstə və ölü atları kəsərək həmin ətləri mal əti adı altında satmaq istədiklərini bildiriblər.

Kəsilmiş at cəmdəklərindən götürülən nümunələr laborator müayinəyə göndərilib. Ətin isitifadəyə tam yararsız və insan sağlamlığına ciddi təhlükə olduğu məlum olub.