İmişli rayon mərkəzi xəstəxanasında saxta pensiya qalmaqalı ilə bağlı regional müxbirimizə şikayət daxil olub.
İmişli rayon sakini Səmədov Gulməmməd Səməndər oğlu Azia.Az-a müraciət edərək İmişli rayon mərkəzi xəstəxanasında baş verən saxtakarlıqlar barədə TƏBİB sədri və Baş Prokurora müraciət edib.
Rayon sakini qeyd edib ki, ağ ciyər xəstəsidir və əvvəllər İmişli rayon mərkəzi xəstəxanasının baş həkimi olmuş Cəsur Rəsulovun dövründə vaxtında lazımi dərmanları ala bilirdi. Amma Eynulla Qasımov İmişli rayon xəstəxanasına baş həkim təyin olunandan sonra onlara verilməli olan dərmanları öz şəxsi apteklərində satdırır. Və əlavə olaraq baş həkimin tabeliyindəki can həkimi Zakir, İlkin adlı göz həkimi, Anar adlı kardioloqla əlbir olub müəyyən pul məbləğində saxta pensiya sənədləri hazirlamaqla məsğuldur. Şikayətci əlavə olaraq TƏBİB sədri Ramin Bayramliya və Baş Prokuror Kamran Əliyevə müraciət edərək İmişli rayon mərkəzi xəstəxanasında baş verən bu saxta pensiya qalmaqalına görə lazımi tədbirlər görmələrini xahiş edib.