Mənzil İnşaatı Dövlət Agentliyi (MİDA) Sumqayıt şəhərində çoxmənzilli binaların tikintisi üçün tender elan edib.

Dövlət satınalmalarının vahid elektron portalına istinadən xəbər verir ki, tikinti işləri Sumqayıt şəhərində Mehdi Hüseynzadə adına şəhər stadionunun şimal-şərqində 2,0 ha torpaq sahəsində aparılacaq.

Tender elanında

1. 4, 5 və 6 nömrəli 9 mərtəbəli 1 bloklu yaşayış binalarının və 1 mərtəbəli qeyri-yaşayış binasının tikintisi;

2. 7, 8 və 9 nömrəli 9 mərtəbəli 1 bloklu yaşayış binalarının və 1 mərtəbəli qeyri-yaşayış binasının tikintisi təklif edilir.

Müqaviləni yerinə yetirmək üçün tender iştirakçıları lazımi maliyyə və texniki imkanlarına malik olmalıdırlar. Hər bir lot üzrə tenderdə iştirak haqqı 600 manatdır.