Bakıda mənzildən meyit tapılıb.
Fövqəladə Hallar Nazirliyinin verdiyi məlumata görə, nazirliyə Yasamal rayonunda 1935-ci il təvəllüdlü Zolatik Yuri Serqeyeviçin mənzildə bağlı qapı arxasında köməksiz vəziyyətdə qalması barədə məlumat daxil olub. Dərhal Fövqəladə Hallar Nazirliyinin Xüsusi Riskli Xilasetmə Xidmətinin xilasediciləri hadisə yerinə cəlb olunaraq mənzilə baxış keçirərkən zərərçəkmişi huşsuz vəziyyətdə aşkar ediblər. Hadisə yerinə çağırılmış Təcili Tibbi Yardım Stansiyasının həkimləri tərəfindən aparılmış ilkin müayinə zamanı Y. Serqeyeviçin vəfat etdiyi müəyyən olunub.