Sahibkar Eduardo Ernekyanın şirkətləri Ermənistan Xarici İşlər Nazirliyinin keçmiş binasında 5 ulduzlu mehmanxana açılışının imkanlarını araşdırırlar

Virtualaz.org bildirir ki, bunu news.am-a Ermənistan hökuməti yanında Dövlət əmlakını idarə etmə üzrə komitənin sədri Arman Saakyan deyib.


O qeyd edib ki, mehmanxananın açılışı - binanın satışı haqda imzalanmış müqavilədəki öhdəliklərdən biridir.

Qeyd edək, E.Ernekyan (erməni mənşəli Argentina milyarderi) həmin binanı hökumətdən 50,4 milyon dollara alıb. Yeri gəlmişkən, o, əvvəlki binanın yaxınlığında öz hesabına yeni hökumət korpusu tikdirib. Hazırda Xarici İşlər Nazirliyi, Ermənistanın Diaspora üzrə Dövlət Komitəsi və Təhsil Nazirliyinin elmi komitəsi məhz orada fəaliyyət göstərir.