Ağ Evin sözçüsü Cen Psaki iddia edib ki, Rusiya daha əvvəl Ukraynaya müdaxilə üçün zəmin hazırlamaq üçün Ukraynanın şərqində aldatma əməliyyatları keçirmək üçün bölgəyə bəzi qruplar yerləşdirib. Xəbər verilir ki, bunu Ağ Evin sözçüsü Psaki gündəlik mətbuat brifinqində Rusiya ilə Ukrayna arasındakı gərginliyi və son vəziyyətini dəyərləndirərkən deyib. Psaki iddia edib ki, Rusiya ordusu yanvarın sonu ilə fevralın ortaları arasında Ukraynaya müdaxilə edə bilər. Onun ehtimalına görə, hərbi müdaxilə zamanı daha çox şəhər döyüş taktikasına üstünlük verəcəyini açıqlayıb. Psaki onu da əlavə edib ki, artıq bununla bağlı əllərində kəşfiyyat məlumatları var. Onun dediyinə əsasən Rusiyanın keçirdiyi təlimlərdə iştirak edənlər şəhər döyüşlərində xüsusi təlim keçmiş insanlardır. Rsaki əlavə edib ki, bu cür əməliyyatların 2014-cü ildə də şahidi olmuşuq və bu cür əməliyyatlar Rusiyanın Ukraynanın işğalına zəmin hazırlamaq məqsədi daşıyır: “Biz bunu əvvəllər də görmüşük, 2014-cü ildən əvvəl də görmüşük. Bura Ukraynanın Rusiya qüvvələrinə hücum etməkimi təxribat aktlaır kimi məsələlər də daxildir”- o deyib.(olke.az)