Güclü maqnit fırtınaları interneti çökdürə bilər.
Azia.az xəbər verir ki, bu barədə “PC Gamer” portalı Kaliforniya Universitetinin araşdırmalarının nəticəsinə əsasən yazıb.

Mütəxəssislərin fikrincə, internet infrastrukturunun müxtəlif təbii fəlakətlər, böyük kiberhücumlar və digər gözlənilməz hadisələr də daxil olmaqla bir sıra təhdidlərə məruz qala bilər. Güclü Günəş fırtınası da bu siyahıda yer alıb.

Fakt budur ki, Günəş maqnit fırtınası zamanı Yerin maqnit sahəsinin işini poza bilən və hətta elektrik xətlərinə zərər verə bilən çoxlu maqnitlənmiş hissəciklərin böyük bir kütləsini yayır. Bu da öz növbəsində qlobal İnternetin fəaliyyətini bir neçə aya poza bilər.