azia.az
azia.az

Bu gün sizi nələr gözləyir? - BÜRCLƏR

7-11-2018, 03:09

Qoç - günün ilk yarısı pis deyil. Ən çətin işlərin öhdəsindən gələ bilərsiniz. Problemlərin çözülməsinə başlayın. Aktiv və enerjili olun. Yaxın ətrafınızdakı insanları yeni layihəyə cəlb edin.

Günün ikinci yarısında maraqlı macəra istisna deyil. Yaxın gələcəyinizi planlaşdıranda detalları nəzərə alın, praqmat olun. Normal təklif alsanız, dinləyin. Təşəbbüskarlıq pis deyil.

Axşam saatlarında sakit istirahətə üstünlük verin.

Buğa - günün ilk yarısında əhvalınız pis olmayacaq. Yeni tanış maraqlı həmsöhbət olacaq. Xırdalıqlara və təfərrüatlara diqqət yetirin. Dinləməyi bacarın. Çoxsaylı faydalı məlumatlar alacaqsınız. Yeni işə başlamaq olar.

Günün ikinci yarısında münaqişə riski artır. Mübahisəyə qatılmayın. Mövqelərinizi sonadək müdafiə edin, geri çəkilməyin. Hüquqlarınızdan yararlanın. Yaxın ətrafınızdakı insanlarla ünsiyyətdə dözümlü olun. Mənəvi və fiziki ağrılardan qorunmaq üçün həssas davranın.

Əkizlər - müxtəlif miqyaslı və profilli məsələlərin həlli üçün əlverişli zamandır. Planlaşdırma, danışıqlar, müzakirələr və eksperimentlər üçün aktiv olun, süstlüyə qapılmayın. Başladığınız hər işdə gərəkli nəticəyə can atın. Sonuclar pis olmayacaq.

Günün ikinci yarısında səmimi, soyuqqanlı və qayğıkeş olun. Sevdiyiniz insan sizi sevindirmək istəyəcək. Məqsədə çatmaq üçün qətiyyətli davranmaq gərəkdir. Yeni tanışlarla təmasda diqqətli olun.

Axşam saatlarında gəzintiyə çıxmaq olar.

Xərçəng - kiçik narahatlıq və gərginlik olacaq. Gün pis deyil. İstirahət və əyləncə zamanı deyil. Başa çatdırılmasını tələb edən işlər var. Önəmli məsələni həll etməyə imkan verən telefon zəngini unutmayın. Həddən artıq gərgin çalışmayın.

Günün ikinci yarısında enerjinizi effektiv nəticə əldə edə biləcəyiniz işə yönəldin. Alış-verişdə texnika, avadanlıq almaq olar. Qacetlər istisna deyil. Avtomobil üçün aksessuarlara pul xərcləməyin.

Axşam saatlarını ailə üzvləri, sevdiyiniz insanlarla keçirin. Gərgin fəaliyyətdən sonra istirahətə ehtiyacınız var.

Şir - günün ilk yarısı sürprizlər və xoş hadisələrlə zəngin olacaq. İşlərin tempini azaltmayın. Niyyətlərinizlə arzularınızı həyata keçirin. Sevincinizi dəyər verdiyiniz insanlarla bölüşün.

Günün ikinci yarısında şəxsi münasibətlərdə zəruri dəyişikliklər və yeniliklər edə bilərsiniz. Tanışlıqlar sürətlə baş tutacaq. Qarşı tərəfdə özünüzlə bağlı xoş təəssürat yaratmağa çalışın.

Söhbətin təşəbbüskarı olun. Bir müddət sonra yeni tanış sizə tərəfdaş təklif edəcək.

Axşam saatlarını evdən kənarda keçirin.

Qız
- məişət məsələləri ilə məşğul olun. Ailədəki problem həllini tələb edir. Ağır işlərdən yayınmayın. Bu proseslər sizi yormayacaq. Yardıma ehtiyac duyan insana kömək etməyi unutmayın.

Yaxınlarınıza diqqət və qayğınız, yaxşı tanımadığınız insanlara səmimi münasibətiniz cavabsız qalmayacaq. Minnətdarlıq sözləri eşidəcəksiniz.

Günün ikinci yarısında önəmli olayın bilaixtiyar iştirakçısına çevriləcəksiniz.

Axşam saatları sevdiyiniz insanla ünsiyyət üçün münasibdir. Münasibətlərinizi daha səmimi edin.


Tərəzi - emosional baxımdan asan gün deyil. Gərginlik hiss edəcəksiniz. Kiçik problemlər təcili, təxirəsalınmaz həll tələb edir. Çətinliklərin çözülməsinə nə qədər tez başlasanız, işləri bir o qədər tez başa vurarsınız. Bütün işləri eyni vaxtda görmək mümkün deyil.

Günün ikinci yarısında ikinci dərəcəli işləri ertələyin, mühüm saydığınız məsələ ilə məşğul olun.

Saatlar keçdikcə müsbət təmayüllərin təsiri artır. Əks cins mənsubları ilə münasibətlərinizdə problemlər yaratmayın. Ümid və niyyətlərinizdən danışmaqdan çəkinməyin. Planlarınızı inandığınız insanlarla bölüşə bilərsiniz. Qarşı tərəfin gözləntilərindən xəbər tutun.

Əqrəb
- ağır, çətin zamandır. Əhvalınızı korlamamaq, yaxınlarınızın könlünə dəyməmək üçün səbrli və təmkinli olun. Səhər saatlarından etibarən kobud və sərt danışmayın. Sizi dəstəkləmək istəyən insanların yardımlarını rədd etməyin. Mümkün qalmaqal və mübahisələrdən yayınmaq üçün soyuqqanlı olun.

Günün ikinci yarısında əhvalınız korlana bilər. Aqressivlik əsla məsləhət deyil.

Sevdiyiniz insanla qarşılaşa bilərsiniz. Restorana yollanın, istirahət edin. Xoşagəlməz situasiyanı və qarşılıqlı iradları unudun.

Oxatan - birmənalı gün deyil. Pozitiv təmayüllər olsa da, sərt tənqidlər eşidəcəksiniz. Ünsiyyətdən yayınmayın. Yaxınlarıınızın, ailə üzvlərinizin ünvanına sərt sözlər deməyin.

Uşaqlıq etməyin, inadkar davranmayın. Məqsədə çatdığınızı düşünüb erkən sevinməyin. Təhlükəli situasiyaya düşə bilərsiniz. İfrat qətiyyətiniz ətrafınızdakı insanları usandıra bilər.

Günün ikinci yarısında proseslərdən bir qədər kənarlaşın, istirahət edin. Davranışınıza fikir verin. Nüfuzunuza zərbə vuracaq addımlar atmayın.

Axşam saatlarında vaxtınızı normal keçirin, istirahət edin. Yaxşı tanıdığınız insanlarla təmaslara üstünlük verin.

Oğlaq - günün ilk yarısında işlərinizdə nizam yaradın. Əlverişli situasiyadan bəhrələnməyə çalışın. Mühüm layihəyə başlamaq, yeni tanışlığa başlamaq olar. Yaşamınızda peyda olan yeniliyi dəyərləndirin.

Uğurlarınız sizi sevindirəcək. Toplantı və konfransa qatılmaq olar.

Günün ikinci yarısında yorğurluq hissindən qurtula bilərsiniz. Cansıxıcı işlərdən imtina etməyin. Yaşanan olaylara normal reaksiya verin.

Axşam saatları alış-veriş üçün əlverişlidir. Yaşam arealınızı daha rahat və gözəl edə bilərsiniz. Sevdiyiniz insanın qayğısına qalın.

Dolça - intensiv və aktiv çalışın. Əyləncə, istirahətlə bağlı fikirləri müvəqqəti ertələyin. Çoxdan bəri həyata keçirmək istədiyiniz planı reallaşdırmağın zamanı çatıb. Tələsik qərar verərək səhv etməyin.

Günün ikinci yarısı şəxsi münasibətlər üçün faydalı deyil. Sakitliyə, rəvanlığa ehtiyacınız var. Səlis davranın, ətrafınızda baş verən hadisələrə fikir verin. Sərvaxt olsanız, sizə qarşı hazırlanan yeni oyundan vaxtında xəbər tuta bilərsiniz.

Balıqlar - yeni tərəfdaş və ya müttəfiq aramaq üçün yaxşı zamandır. Möhkəm və uzunmüddətli əlaqələrinizin yaranacağı insanla qarşılaşmağınız istisna deyil. Ünsiyyətdə həssas, diqqətli olun. Xırdalıqlara fikir verin.

Günün ikinci yarısında sükan arxasında, yaxud yolda çox vaxt keçirmək məsləhət deyil. Səhhətinizə fikir verin. Ağrılar istisna deyil.

Başağrıları ola bilər.


OXŞAR XƏBƏRLƏR
XƏBƏR LENTİ
BÜTÜN XƏBƏRLƏR

MARAQLI
TƏQVİM
MƏZƏNNƏ
 Valyuta məzənnəsi