Çində milyarderlərin sayı kəskin azalıb

Çinin ən varlı şəxslərinin sayı 20 ildə rekord sayda (1893) azalıb.

Musavat.com xarici agentliklərə istinadən xəbər verir ki, “Hurun report” jurnalının növəti reytinq cədvəli bunu gösətir.
Reytinqin tərtibçilərinin qeyd etdiyi kimi, bu, Çin iqtisadiyyatında son illərdə baş verən nisbi tənəzzül və ABŞ-la aparılan ticarət müharibəsinin nəticəsində olub. Buna rəğmən, Çinin ən varlı adamı son 4 ildə dəyişməz qalıb. Bu, “Alibaba” onlayn ticarət nəhəngini sahibi Cek Madır. Onu sərvəti bir ildə 10 milyard dollar daha artaraq 39 milyard dollara çıxıb.
Reytinqə 2 milyard yüəndən (290 milyon ABŞ dolları ) çox pulu olan Çin vətəndaşları da daxil edilib.

Maraqlıdır ki, milyarderlərin sayında azalma müşahidə edilməsinə rəğmən, hazırda Çinin bu qədər sərvətə malik olan adamlarının sayı 5 il bundan öncəkindən 89% çoxdur.

İkinci yerdə Çinin daşınmaz əmlak şirkəti “Evergrande Group”un rəhbəri Syu Tzyain gedir. (36 milyard)

Üçüncü yer Tencent telekommunikasiya şirkətinin başçısı Poni Maya məxsusdur (35 milyard)

Dördüncü sırada daha bir daşnmaz əmlak şirkəti “Country Garden”in sahibi Elizabet Yan Hueyyan dayanıb (22 milyard)

Beşinci sıra “Wanda Group” konqlomeratının təsisçisi Van Tzyanlinə məxsusdur (20 milyard)

Altıncı yerdə “Midea” məişət texnikasının istehsaçları He Syantsyan və He Tzyanfen qərarlaşıb (19 milyard)

Yeddinci və səkkizinci yerlərdə “SF Express” çatdırılma xidmətinin təsisçisi Van Vey və “China Pacific Construction” tikinti şirkətinin rəhbəri Yan Hao (hər ikisi 17,5 milyard dollar) dayanır.

Doqquzuncu yerdə “Baidu” axtarış saytının sahibi Robin Li və onun arvadı Melissa Ma (17 milyard) durur.

Nəhayət, ilk onluğu “Xiaomi” smartfonlarının istehsalçısı Ley Tzüan və “Amer İnternational” (mis mədənləri, kabel və digər məmulatlar) şirkətinin sahibi Van Venyin qapadır.

Bu il reytinqə 219 yeni isim əlavə olunub. (456 şəxs siyahını tərk edib). Bundan başqa, reytinq siyahısında qadınların sayında rekord artış var. Onlar bu ilki siyahının 28,7%-ni təşkil edirlər.

Onu da qeyd etmək lazımdır ki, reytinqdə yer alan biznesmenlərin 60%-dən çoxu istehsal, sərmayə, texnologiya və daşınmaz əmlak sahələrindən gəlmədir.