Yüksək səslə musiqi dinləmək bəzi insanlarda baş ağrısına səbəb ola bilər. Xüsusilə qulaqcıqdan uzun müddət və yüksək səs səviyyəsində istifadə edilməsi narahatlıq yarada bilər.

Demokrat.az bildirir ki, güclü səs qulaq və eşitmə sistemini həddindən artıq stimullaşdıra bilər. Güclü bas səsləri və vibrasiya da bəzi insanlarda başda təzyiq və ağrı hissinə səbəb ola bilər.

Yüksək səs eyni zamanda miqren və gərginlik tipli baş ağrılarını tətikləyə bilər. Buna görə musiqi dinləyərkən səs səviyyəsini həddindən artıq artırmamaq və qulaqcıqdan uzun müddət fasiləsiz istifadə etməmək tövsiyə olunur.

Baş ağrısı musiqini dayandırdıqdan sonra keçirsə, səs səviyyəsini azaltmaq faydalı ola bilər. Lakin ağrı tez-tez təkrarlanırsa, güclənirsə və qulaqda küy və ya eşitmə ilə bağlı dəyişikliklər də müşahidə olunursa, həkimə müraciət etmək lazımdır.