Avtomobilini utilizasiyaya vermək istəyən bir çox sürücünü narahat edən əsas suallardan biri dövlət qeydiyyat nişanının taleyidir. Bu zaman nömrələrin saxlanılması və ya başqa nəqliyyat vasitəsinə keçirilməsi imkanları maraq doğurur.

Pravda.az-a açıqlama verən nəqliyyat eksperti Eldəniz Cəfərov qeyd edib ki, avtomobil utilizasiyaya verilməzdən öncə dövlət yol polisindən qeydiyyatdan çıxarılır:

“Bu zaman da avtomobilin ban nömrəsi ilə yanaşı, dövlət qeydiyyat nömrə nişanı da orada qeyd olunur. Avtomobilin dövlət qediyyat nömrə nişanı birbaşa sürücüyə deyil, avtomobilə verilən nömrədir. Ancaq avtomobilin sahibi ərizə yazaraq həmin nömrənin özündə saxlanmasını xahiş edə bilər”.