Qaynarinfo xəbər verir ki, Honq Konqda yaşayan Siu P.Y.F. 2020-ci ildə internetdəki tanışlıq saytında özünü "Richard" adlı amerikalı iş adamı kimi təqdim edən şəxslə tanış olub. Telefon danışıqları ilə başlayan münasibət qısa zamanda yaxınlaşıb və tərəflər evlənmək qərarına gəlib.

Bir müddət sonra şübhəli qadına zəng edərək İstanbula gəldiyini, investisiya planı olduğunu və pula ehtiyac yarandığını deyib. Bu iddialara inanan qadın 2020-2022-ci illər arasında müxtəlif bank hesablarına ümumilikdə 2,5 milyon dollar köçürüb. Daha sonra isə əlaqə kəsilib. Qadın Honq Konq polisə şikayət edib.

 

Honq Konq polisi uzun müddət aparılan araşdırmalara baxmayaraq nəticə əldə edə bilmədiyi üçün zərərçəkmiş İstanbul prokurorluğuna da müraciət edib.

İstanbulda aparılan istintaq zamanı pulların köçürüldüyü hesablar izlənib və 5 şübhəli saxlanılıb. Onlardan 4-ü hadisəni xatırlamadığını deyib, 1 nəfərin isə pulun "Richard” adı ilə tanınan Nigeriya vətəndaşı Kinqsli O.-ya verildiyini bildirdiyi qeyd olunub.

Bunun ardınca polis özünü "Richard” kimi təqdim edən Kinqsli O.-nu da ələ keçirib.

Şübhəlilər polis idarəsində ifadə veriblər. Kinqsli O. ittihamları qəbul etməyib. Araşdırma davam edir və 6 şübhəli məhkəməyə göndərilib.