Bəşar Əsəd rejiminin devrilməsindən sonra Suriyada nüfuzunu itirən İran terror təşkilatları vasitəsilə yenidən təsir qazanmaq üçün fəaliyyətlərini davam etdirir.

Türkiyə mətbuatına istinadla xəbər verilir ki, İranın terror təşkilatı YPG/PKK ilə yeni bir dron sazişi imzaladığı ortaya çıxıb.

"Yeni Şafak"da yer alan məlumata görə, İraqdakı bir bazarda iranlı rəsmilərlə terror təşkilatı YPG/PKK üzvləri arasında gizli görüş keçirilib. Bu görüşdə YPG/PKK-nın 2000 ədəd kamikadze dron tələb etdiyi ortaya çıxıb. Ancaq İran tərəfindən 1500 ədəd dron təmin edilə biləcəyi bildirilib.

Dronların Şimali İraqa çatdırılması planlaşdırılsa da, Türkiyə buna mane olub. Bu vəziyyətdə YPG/PKK dronların hissə-hissə Suriyaya ötürülməsinə çalışır. Lakin bu planın uğur qazanıb-qazanmayacağı hələlik bilinmir. Musavat.com