Ailə həyatı quran Elnur Nemətzadə toy günü şəhid qardaşı Ceyhun Nemətzadənin məzarını ziyarət edib.

Azia.az bloqu xəbər verir ki, Sitat.info-nun əməkdaşı həmin anları lentə alıb, şəhid qardaşı ilə həmsöhbət olub.

Qeyd edək ki, 44 günlük Vətən Müharibəsi Ceyhunun qəhrəmanlıq, qorxmazlıq və vətənpərvərlik kimi keyfiyyətlərini də üzə çıxardı. Bütün müharibəni alnı açıq, üzü ağ keçən baş leytenant düşmən üzərində Böyük Zəfərə 2 gün qalmış, 2020-ci il, noyabrın 7-də Zəngilan rayonu ərazisində Ermənistanla sərhəddə yerləşən 812.0 yüksəkliyinin azad edilməsi uğrunda döyüşdə qəhrəmancasına  şəhid olub. O, 9 noyabr 2020-ci ildə Bakı şəhərində 2-ci Şəhidlər Xiyabanda torpağa tapşırılıb. Subay idi. Baş leytenant Nəhmətov Ceyhun Etiqad oğlu ölümündən sonra Azərbaycan Respub­likasının Prezidenti, Silahlı Qüvvələrin Ali Baş Komandanı İlham Əliyev tərəfindən 3-cü dərəcəli “Vətənə xidmətə görə” ordeni, "Vətən uğrunda” və “Zəngilanın azad olunmasına görə medalları ilə təltif edilib.