Yuxu keyfiyyətini artıraraq daha rahat bir gecə yuxusu təmin edə bilən qidaların tərkibindəki bəzi maddələr və vitaminlər bədənin melatonin və serotonin səviyyələrini artırır, bu da yuxuya getməni və yuxunun davamlılığını yaxşılaşdırır.Foodinfo.az yuxu gətirən bəzi qidaları təqdim edir:
1. Albalı
Albalı təbii melatonin mənbəyidir. Melatonin bədənin yuxu dövrünü tənzimləyən bir hormondur. Yatmadan əvvəl bir stəkan albalı suyu içmək daha sürətli yuxuya getməyə və yuxunun keyfiyyətini artırmağa kömək edir.
2. Banan
Banan kalium və maqnezium baxımından zəngindir. Bu minerallar əzələləri rahatladır və bədənin sakitləşməsinə kömək edir. Həmçinin banan triptofan ehtiva edir, bu da bədəndə serotoninə çevrilir və yuxunu təşviq edir.
3. Bal
Bal yüngül bir şəkildə qan şəkərini artıraraq beynə triptofanın daxil olmasına kömək edir. Bir fincan isti südə və ya bitki çayına bir qaşıq bal əlavə etmək yuxuya getməni asanlaşdıra bilər.
4. Qoz-Fındıq
Qoz və fındıq melatonin və maqnezium mənbəyidir. Melatonin yuxu dövrünü tənzimləyir, maqnezium isə sinir sistemini rahatladır. Yatmadan əvvəl bir ovuc qoz və ya fındıq yemək daha yaxşı yuxuya səbəb olur.
5. Süd və Süd Məhsulları
Süd və süd məhsulları da triptofan və kalsium ehtiva edir. Kalsium triptofanın melatoninə çevrilməsinə kömək edir.
6. YulafYulaf melatonin və kompleks karbohidratlar baxımından zəngindir. Kompleks karbohidratlar triptofanın beyinə daxil olmasını təşviq edərək yuxuya getməni asanlaşdırır. Yatmadan əvvəl yulaflı bir qəlyanaltı daha rahat bir yuxu təmin edə bilər.
7. Tuna və Somon
Tuna və somon balıqları omega-3 yağ turşuları və D vitamini baxımından zəngindir. Bu maddələr serotonin istehsalını artıraraq yuxu keyfiyyətini yaxşılaşdırır. Axşam yeməyində bu balıqları yemək daha yaxşı yuxuya kömək etmiş olar.Yuxu gətirən qidaların yanında yuxu rejimini yaxşılaşdırmaq üçün bəzi digər vərdişlər də faydalıdır. Yatmadan əvvəl ağır yeməklərdən və kofein tərkibli içkilərdən çəkinmək, rahat bir yuxu mühiti yaratmaq, nizamlı bir yuxu rejimi saxlamaq və elektron cihazlardan uzaq durmaq yuxu keyfiyyətini artırmağa kömək edə bilər.