Britaniya yeni AJAX döyüş kəşfiyyat vasitəsini İsveçdə -36°C temperaturda sınaqdan keçirib.

“Report” “Army Recognition”a istinadən xəbər verir ki, bu barədə Britaniya ordusunun Kral Zirehli Korpusu məlumat yayıb.

“Kral Zirehli Korpusunun britaniyalı əsgərləri İsveçdəki poliqonda son dərəcə soyuq şəraitdə yeni AJAX döyüş-kəşfiyyat maşınını uğurla sınaqdan keçiriblər”, - nəşr yazıb.

Xəbərdə qeyd edilir ki, sınaq zamanı temperatur -36°C-ə çatıb. Sərt hava şəraitinə baxmayaraq, Britaniya hərbçiləri yeni döyüş maşınının bütün imkanlarını göstərə bilib.

Britaniya komandanlığı AJAX-ı qabaqcıl kəşfiyyat imkanlarına malik izlənən zirehli maşın kimi təqdim edirlər. Qeyd olunur ki, İsveçdəki sınaqlar avtomobilin həddindən artıq soyuq hava şəraitində performansını qiymətləndirmək məqsədi daşıyıb.