Xəbər verdiyimiz kimi, dekabrın 23-də İraqın şimalında – “Pəncə-Kilid” əməliyyatı bölgəsində – Türkiyə Silahlı Qüvvələrinin 6 hərbi qulluqçusu şəhid olub, 1 nəfər yaralanıb.

Musavat.com xəbər verir ki, bundan sonra başladılan əməliyyatlarda 16 terrorçu zərərsizləşdirilib.

Türkiyənin Milli Müdafiə Naziri Yaşar Gülər iki istiqamətdə - İraq və Suriyanın şimalında PKK/KCK terrorçularına məxsus mağaralar, bunkerlər, sığınacaqlar, neft obyektləri və anbarlar da daxil olmaqla 29 hədəfin vurularaq məhv edildiyini açıqlayıb.

Nazir Hərbi Hava Qüvvələri Əməliyyat Mərkəzindən hava əməliyyatlarını şəxsən idarə edib.