Pasientlər bilməlidirlər ki, 98% fəqərəarası disk yırtığı konservativ üsulla müalicə olunur:

"Medicina" xəbər verir ki, onurğa - insanda 33-34 fəqərənin bir-birilə birləşməsindən əmələ gələrək gövdənin dayağını təşkil edir. Onurğa sütununu 7 boyun, 12 döş, 5 bel, 5 oma və 4 büzdüm fəqərəsi təşkil edir.

Onurğa kanalında onurğa beyni yerləşir. O, yuxarıda uzunsov beynə, aşağıda isə 1-2 ci bel fəqərələri səviyyəsində nazikləşərək lat. Conus medullaris adlanan üzvə keçir. Onurğa beyni hərəkət, orqanizmin bütün funksional prosesləri, ətraf mühit qıcıqlarının işlənməsinə cavabdehdir, həmçinin, düşünmə, hissiyyat və s. həyati vacib funksiyaların təmin olunmasında iştirak edir.

Fəqərəarası disk yırtığı ən çox 30-50 yaş arasına təsadüf edir, fəqərə sütununun bel-oma və boyun nahiyəsində daha çox təsadüf olunur. Yırtığın hansı fəqərəarası diskdə olmasından asılı olaraq müxtəlif klinik əlamətlərlə özünü göstərir. Boyun fəqərəarası disk yırtığında başağrı, yuxarı ətraflarda ağrı, keyləşmə, zəiflik müşahidə edilir. Yırtıq onurğa kanalında daralma yaradıb, onurğa beynini sıxarsa daha ciddi klinik əlamətlər yarana bilər, məs.,

ətrafların parezi, yerişin çətinləşməsi və s.

Bel-oma fəqərəarası disk yırtığında xəstələr həmin nahiyədə ağrıdan, ağrının aşağı ətraflara vurmasından,

keyləşmə hissi, yerişin çətinləşməsindən şıkayətlənir.

- Maddələr mübadiləsinin pozulması - İrsi faktor

- Ağır fiziki iş - İnfeksiya və s.

- Travma

Disk yırtıqları adətən fəqərə sütununun degenerativ xəstəlikləri fonunda yaranmış olur (osteoxondroz, spondilyoz).

Diaqnozu təsdiqləmək üçün MRT müayinəsindən istifadə edilir.

Fəqərəarası disk yırtığının müalicəsində ən effektiv müalicə biotənzimləyici terapiyadır. Bu müalicə ilk öncə orqanizmə ümumi biotənzimləyici təsir göstərir, turşu-qələvi balansını tənzimləyir, xəstə orqana hüceyrə səviyyəsində təsir göstərməklə regenerasiya qabiliyyətini bərpa edir, əməliyyat olunmuş xəstələrdə yenidən yırtıq əmələ gəlməsinin qarşısını alır.

Bu məqsədlə Almaniya istehsalı olan təbii tərkibli preparatlardan istifadə edilir. Bu preparatlar nanodozalarda olduğundan yaxşı mənimsənilir, tərkibləri zəngin, çoxhədəfli olduğu üçün xəstəliyə etiopatogenetik təsir göstərir. Bu preparatların heç bir əlavə təsiri, əks göstərişi yoxdur. Müalicə zamanı eyni zamanda akupunktura, homeosiniatriya, biopunktura, nevral terapiya, osteopatiya, fizioterapiya və digər reabilitasiya üsullarından, həmçinin, dietoterapiyadan istifadə edilir.