Bazar ertəsi günü, səfir Litzenberger, Naxçıvan Muxtar Respublikasına səfər edib.

Azia.az ABŞ-ın Bakı səfirliyinə istinadən xəbər verir ki, səfər zamanı səfir yerli hökumət rəsmiləri, alimlər və ABŞ-ın maliyyələşdirdiyi layihələrin rəhbərləri və təqaüdçülərlə görüşüb.

"O, həmçinin Naxçıvanın ən əhəmiyyətli mədəni və tarixi irsinə aid yerlərini ziyarət etdi. Amerika Birləşmiş Ştatları Azərbaycanın bölgələrində yaşayan insanların böyük potensiala malik olmasına inanır.

Biz ümid edirik ki, bu səfər Amerika Birləşmiş Ştatları və Naxçıvan arasında əlaqələri gücləndirəcək və daha çox naxçıvanlıları ABŞ tərəfindən təşkil olunan mübadilə və təqaüd proqramlarında iştirak etməsinə təkan verəcək", - deyə səfirliyin yaydığı məlumatda bildirilir.