azia.az
azia.az

İlham Əliyev Şirinov qardaşlarını Ukraynadakı qəhrəmanlıqlarına görə mükafatlandırdı

1-02-2019, 14:13

İlham Əliyev Şirinov qardaşlarını Ukraynadakı qəhrəmanlıqlarına görə mükafatlandırdı
Azia.az xəbər verir ki,Prezident İlham Əliyev Ukraynada bir ailəni yanan avtomobildən xilas edən Şirinov qardaşlarını mükafatlandırıb.

Virtualaz.org xəbər verir ki, Prezident tərəfindən fevral ayının 1-də imzalanan sərəncamla Sabir Adil oğlu Şirinov və Umud Adil oğlu Şirinov “İgidliyə görə” medalı ilə təltif ediliblər.

Şirinov qardaşları həyatları təhlükəyə məruz qalmış insanların xilası zamanı göstərdikləri şəxsi şücaətə görə mükafatlandırılıblar.

Xatırladaq ki, Şirinov qardaşları Ukraynanın Nikolayev şəhərində üç nəfəri yanan avtomobildən xilas etdikdən sonra əsl qəhrəmana çevriliblər.

Ukrayna KİV-inin yazdığına görə, Zayçevskoye kəndinin yaxınlığında qoşqu yük maşınından qopub və üç nəfərdən ibarət ailənin içərisində olduğu minik avtomobilinə çırpılıb. Qəzadan dərhal sonra maşın alışıb. Axşam saat 7 radələrində Şirinov qardaşları işdən qayıdan zaman yük maşınının arxası üstə çevrilmiş qoşqusunu görüblər. Onlar maşını saxlayıblar və diqqət yetiriblər ki, 40-50 metr aralıda aşmış avtomobil yanır və onun içindən uşaq çığırtısı eşidilir.

Şirinov qardaşları özlərini itirməyib, həyatlarını təhlükə altında qoyaraq yanan avtomobildən uşağı çıxarmağa tələsiblər. Maşının yan şüşələrini sındırsalar da, bir nəticə hasil olmayıb. Bu dəfə onlar maşının yük yerini sındıraraq ağlayan uşağı və onun anasını avtomobildən çıxara biliblər.

Daha sonra avtomobilin yük yerindən içəri daxil olub oturacaqları sındıraraq kişini dartıb çıxarıblar. Ailə xilas ediləndən təxminən bir dəqiqə sonra maşındakı qaz balonu partlayıb.

Qardaşlar xilas etdikləri ailəni xəstəxanada da tək qoymayıb, uşağın sağalması üçün maddi yardım göstəriblər.

Qeyd edək ki, Şirinov qardaşlarının özləri də ailəlidirlər və hərəsinin iki uşağı var. Onlar Ukrayna Azərbaycanlıları Konqresinin Nikolayev vilayət şöbəsinin üzvləridir.
Aybəniz Abdulova


OXŞAR XƏBƏRLƏR
XƏBƏR LENTİ
BÜTÜN XƏBƏRLƏR

MARAQLI
TƏQVİM
MƏZƏNNƏ
 Valyuta məzənnəsi