Azia.az-ın məlumatına görə:Gənc müğənni Orxan Babazadənin aylar öncə "5/5"-də nişanlandığı barədə etdiyi açıqlama yalan çıxdı.

Bu xəbəri müğənni özü "Hər şey daxil"də təkzib edib.

Orxan aylar öncə minlərlə tamaşaçı önündə etdiyi bu açıqlamanı inkar etməyə çalışıb:

"O xanım mənim çox yaxın dostumdur. Biz o xanımla Antalyada tanış olmuşduq. Qazaxıstanda yaşayır. Tanınmış bir biznesmenin qızıdır. O, mənlə birgə ora gəlib-gedirdi. Ola bilsin ki, şəkillər çəkilibdir və yaxud da saytlarda verilibsə, o, mənim günahım deyil".

Gənc ifaçının sözünü yarıda kəsən aparıcı Tolik (Tarix Əliyev) həmin açıqlamanı canlı yayımda tamaşaçılara özünün etdiyini xatırladıb.

Orxan prodüser-aparıcının məsələni aşkara çıxardığını görüncə bunları deyib:

"Ola bilər ki, mən zarafatla demişəm. Amma, həqiqətən, nişan söhbəti yox idi, Tolik".

Qeyd edəki ki, Baba adlı tanınmış iş adamının oğlu olan müğənni nişanlandığı barədə ilk dəfə bu ilin fevralında Zaur Kamalın proqramında məlumat vermişdi.