azia.az
azia.az

Azərbaycanda mentorların hazırlanmasına başlanıldı

13-09-2019, 18:04

Azərbaycanda mentorların  hazırlanmasına başlanıldı

Azərbaycan Sahibkarlar Konfederasiyası “Cənubi Qafqazda peşə təhsilinə dəstək” layihəsi çərçivəsində mentorların hazırlanmasına start verdi. Layihədə iqtisadiyyatın beş sahəsi üzrə, bunlar turizm sahəsində turagent, otel xadiməçisi, satış meneceri, avtomobil elektriki, tikiş avadanlığı operatoru-tikişçi seçilib. Mentorların beşi həmin sahələr üzrə peşə məktəblərinin, beş nəfər isə müvafiq müəssisələrinin əməkdaşlarıdır.
Məlumat üçün bildirək ki, mentorlar çalışdıqları sahənin biliciləri hesab olunurlar və onlar təcrübəçilərə həmin peşəni öyrətmək funksiyası daşıyırlar.
Azərbaycanda mentorların hazırlanması üçün nəzərdə tutulan bu təlim üç mərhələdən ibarətdir. “Cənubi Qafqazda peşə təhsilinə dəstək” layihəsinin Azərbaycan üzrə koordinatoru Nigar Cəfərovanın sözlərinə görə, birinci və ikinci mərhələ alman ekspertlərinin hazırladıqları proqram üzrə Bakıda, sonuncu mərhələ isə Almaniyada olacaq və iştirakçılar orada peşə təhsili müəssilərində, şirkətlərdə dual təhsilin necə təşkil olunması ilə tanış olacaqlar.
Layihənin yekununda iştirakçılar testdən keçəcəklər və bundan sonra onlara müvafiq sertifikat veriləcək.
Nigar Cəfərova onu da bildirdi ki, gələcəkdə seçilmiş peşə məktəblərində “DualLike” pilot proqramlarının həyata keçirilməsi də planlaşdırılır.
Qeyd edək ki, hazırda mentorluq təlimlərində “Bazarstore” supermarketlər şəbəkəsi, “BakuNew Hotel”, “Cahan Motors”, “Bakı Textil” fabriki və bir neçə peşə təhsili müəssisələri iştirak edirlər.


OXŞAR XƏBƏRLƏR
XƏBƏR LENTİ
BÜTÜN XƏBƏRLƏR

MARAQLI
TƏQVİM
«    Sentyabr 2019    »
BeÇaÇCaCŞB
 1
2345678
9101112131415
16171819202122
23242526272829
30 
MƏZƏNNƏ
 Valyuta məzənnəsi