Ukrayna Prezidenti Vladimir Zelenski biznes ortağı Sergey Şefiri özünün birinci köməkçisi təyin edib.

Virtualaz.org yerli KİV-ə istinadən bildirir ki, bu barədə fərman mayın 21-də Prezidentin rəsmi saytında dərc edilib.

“Sergey Naxmanoviç Şefir Ukrayna Prezidentinin birinci köməkçisi təyin edilsin”,- deyə fərmanda bildirilir.

Sergey Şefir konsert təkilatçılığı ilə məşğul olan “Studii Kvartal 95” şirkətinin təsisçisi və Zelenski ailəsinin biznes ortağıdır. O, biznes - konqlomerata daxil olan 10 şirkətə nəzarət edir. Şefir müsahibələrindən biri zamanı qeyd edib ki, Zelenski prezident seçkiləri ərəfəsində öz biznes payını ona və qardaşı Borisə təhvil verib.

Qeyd edək ki, Zelenski oliqarx İqor Kolomoyskinin şəxsi vəkili olan Andrey Boqdanı Prezident Administrasiyasına rəhbər təyin edib.