azia.az
azia.az

Avropa İttifaqı İranla nüvə razılaşmasının ləğv olunmasını istəmir

11-07-2019, 09:26

Avropa İttifaqı İranla nüvə razılaşmasının ləğv olunmasını istəmir
İran uranın zənginləşdirilməsində 4,5 faizlik həddə çatıb. AZƏRTAC xəbər verir ki, bu barədə Beynəlxalq Atom Enerjisi Agentliyinin (BAEA) üzv dövlətlərə verdiyi məlumatda deyilir. Diplomatik dairələrdən mətbuata sızan məlumatlara görə, İranın zənginləşdirilmiş uran ehtiyatları 213,5 kiloqrama çatıb.2015-ci ildə İranla bağlanmış beynəlxalq nüvə razılaşmasına əsasən, İran uranın zənginləşdirmə dərəcəsi ilə bağlı 3,67 faizlik həddi keçməmək barədə öhdəlik götürmüşdü. 2018-ci ilin may ayında ABŞ razılaşmadan birtərəfli qaydada geri çəkildikdən sonra İran da bu ölkəyə qarşı sanksiyaların ləğv edilməməsini əsas gətirərək, razılaşmanın şərtlərinə əməl etməkdən boyun qaçırıb. İran tərəfi iyulun 7-dən etibarən bu razılaşmada göstərilən maksimal həddin keçərli olmadığını və uran zənginləşdirilməsində müstəqil plan icra edəcəyini elan edib.Qeyd edək ki, beynəlxalq razılaşmaya əsasən, İran 202,8 kiloqram zənginləşdirilmiş urana sahib ola bilər. Hazırda Aİ ölkələri və BAEA İranla bu ölkənin nüvə proqramına dair razılaşmanı xilas etmək və ya yeni razılaşma əldə etmək üçün bütün mümkün diplomatik vasitələrdən yararlanmağa çalışırlar.


OXŞAR XƏBƏRLƏR
XƏBƏR LENTİ
BÜTÜN XƏBƏRLƏR

MARAQLI
TƏQVİM
«    İyul 2019    »
BeÇaÇCaCŞB
1234567
891011121314
15161718192021
22232425262728
293031 
MƏZƏNNƏ
 Valyuta məzənnəsi