azia.az
azia.az

BŞİH Uşaq Evləri İdarəsinin 83 minə icarəyə götürdüyü obyekt kimə məxsusdur?

26-10-2021, 18:03

BŞİH Uşaq Evləri İdarəsinin 83 minə icarəyə götürdüyü obyekt kimə məxsusdur?
Bakı şəhər İcra Hakimiyyətinə tabeli qurumlar tərəfindən keçirilən şübhəli tenderlər barədə elektron kütləvi informasiya vasitələrində kifayət qədər məlumatlara rast gəlmək olar. Şəhər İcra Hakimiyyətinə tabeli Məktəbəqədər Təhsil Müəssisələri və Uşaq Evləri İdarəsi tərəfindən satınalmalar yolu ilə dövlət vəsaitlərinin talaması barədə də az məlumat yoxdu. Belə bir şübhəli tender də sözügedən qurum tərəfindən bu günlərdə keçirilib.

Dövlət satınalmalarının rəsmi internet portalına yerləşdirilmiş məlumata görə Bakı şəhər Məktəbəqədər Təhsil Müəssisələri və Uşaq Evləri İdarəsinin əməkdaşlarının xidməti fəaliyyəti üçün standartlara uyğun lazım olan şəraitin yaradılması məqsədi ilə “İnzibati bina”nın icarəyə götürülməsi satın alınması üzrə 83 396.5 manat məbləğində satınalma müaviləsini 22.10.2021-ci il tarixdə fiziki şəxs RAMİL MAHİR OĞLU ASLANOV ilə bağlayıb.

Tenderin şərtlər toplusunda icarə müqaviləsinin 5.5 ay müddətinə bağlanması nəzərdə tutulur. Burada 5.5 ay göstərilsə də ortadakı bir nöqtətə müqavilənin neçə ay üçün bağlanılması ətrafında əlavə sual yaradır. Müqavilənin 5 il 5 aya, 55 aya, yaxud da 5 ay 5 günə bağlandığı bəlli olmur. Bu isə ayda təxminən 1300 manatdan 1516 manata qədər vəsait deməkdir. Müqavilə 5 ay müddətinə bağlanıbsa obyektin aylıq icarə haqqı 16 679 manata gəlib çıxır. Obyektin ünvanı isə şərtlər toplusunda nədənsə göstərilməyib.
BŞİH Uşaq Evləri İdarəsinin 83 minə icarəyə götürdüyü obyekt kimə məxsusdur?
Aktualinfo.org-un internet resusrsları üzərindən apardığı araşdırmalarda Ramil Mahir oğlu Aslanovun adının Bakı Dövlət Universitetində Hüquq fakultəsinin professor-müəllim heyyətinin sıralarında keçdiyi məlum oldu. Hüquq elmləri kafedrasının müəllimidir.

Çox güman ki, bu Naftalan şəhərinin sabiq deputatı olmuş, biznesmen Mahir Aslanovun oğlanlarından biridir. Qeyd edək ki, bir müddət əvvəl dövrü mətbuatda sabiq deputatın özü və oğlanlarının biznes şəbəkəsi barədə çoxsaylı məlumatlar yayılmışdı. Naftalan şəhərində “Kəpəz” müalicə sağlamlıq sanatoriyasının, Bakıdakı HAPPY İNN HOTEL və “Kəpəz” mebel salonlarının, Rumıniyanın paytaxtı Buxarestdə uzun illərdir fəaliyyət göstərən NİCO KAPAZ SRL şirkətinin də sabiq deputat Mahir Aslanova məxsus olduğunu dövrü mətbuat açıqlamışdı.

Bakı Dövlət Universitetində Hüquq fakultəsinin müəllimi Ramil Aslanovun e-mail adresinin məhz “[email protected]” olması, onun “Kəpəz” brendlərinə sahib sabiq deputat Mahir Aslanovun oğlu olduğunu bir daha təsdiq edir.

Xatırladaq ki, sabiq deputatın oğlanları barədə də dövrü mətbuatda çaxsaylı məlumatlara rast gəlinir. Məsələn 2015-ci ilin yanvar ayında 10 GV 888 dövlət nömrə nişanlı “Maserati” markalı avtomobillə avtoxuliqanlıq edən sürücünün Mahir Aslanovun oğlu Famil olduğunu da mətbuat üzə çıxarmışdı.

Mahir Aslanovun digər oğlu, Məhəmmədəli Aslanovun isə hazırda Xətai rayon İcra Hakimiyyəti Başçısı Aparatının Sosial-iqtisadi inkişafın təhlili və proqnozlaşdırılması şöbəsinin müdiri vəzifəsində çalışır.



Aktualinfo.org


OXŞAR XƏBƏRLƏR
XƏBƏR LENTİ
BÜTÜN XƏBƏRLƏR

MARAQLI
TƏQVİM
MƏZƏNNƏ
 Valyuta məzənnəsi